Os compañeiros de actividades extraescolares fixeron este mural tan bonito do Gernika para conmemorar o día da Paz. Aproveitando que este é o ano de Picasso, deixamos aquí algúns dos libros que temos na biblioteca relacionados con el.
martes, 31 de xaneiro de 2023
domingo, 29 de xaneiro de 2023
Recomendación para o día da Paz
Queremos recomendar un libro que nos gustou moito. Chámase: Cuentos para niños que sueñan con la paz.
Neste libro podemos atopar tanto breves biografías de personaxes históricamente moi importantes para a paz, como tamén curiosidades, cancións, diferentes símbolos da paz...
Un libro para todos os días e especialmente para o Día Escolar para a non violencia e a Paz.
Recomendamos: El sueño de Chocolate
Hoxe recomendamos un conto con moito sentimento: El sueño de Chocolate.
Os animais que conviven connosco son seres moi especiais que forman parte das nosas vidas e merecen todo o noso cariño e o noso respecto.
El Sueño de Chocolate é a historia dun cadeliño que busca un fogar. Un conto que sensibiliza e conciencia tanto aos pequenos coma aos adultos sobre a tenencia responsable, o respecto aos animais e o coidado das nosas mascotas.
Colas e Contos en Arts
Esta semana chegou o turno do alumnado de sexto de ensinar as súas mascotas. Aquí deixamos algúns exemplos, que iremos actualizando.
Proxecta Protexe aos animais en inglés
Esta semana tamén comezamos a traballar no Plan Proxecta Colas e Contos nos sextos. A nosa auxiliar de conversa, Sydnie ensinounos diferentes mascotas típicas no seu país de orixe, Estados Unidos.
Mochilas viaxeiras
O venres 27 de xaneiro saíron as primeiras mochilas viaxeiras. A semana que vén, sairán o resto. Esperamos que vos guste a experiencia.
Proxecta Colas e contos
Dende a biblioteca este ano estamos traballando o Plan Proxecta Protexe aos animais. Na aula de 4ºB recibiron a visita de Piter, o can de Susi. Tamén estiveron traballando a linguaxe dos cans mediante a guía que se nos fixo chegar.
Para rematar, tamén contaron o conto de "El Sueño de Chocolate", un can que vive na rúa e desexa ser adoptado.
sábado, 28 de xaneiro de 2023
Día da paz
Xa temos preparada a nosa estantería para o día da Paz, que será o luns 30 de xaneiro. Ollo, que hai títulos novos!
xoves, 12 de xaneiro de 2023
Recomendacións lectoras
Por Nadal, o alumnado de Infantil e Primaria levou unhas recomendacións lectoras. Moitos destes libros podédelos atopar na biblioteca.